Kondolenzbuch
Kondolenzbuch zu Richis Abschied
dies soll eine Plattform sein für Alle trauernden, Ihre Gedanken, Episoden, Erlebnisse, Gefühle zu Richi, Vanessa, Soléa, seinen Eltern zu deponieren
Bitte schreibt mir diese per Mail an ruhe@intergga.ch damit ich sie hier eintragen kann.
|
|
-Nachtrag von Bruno Bohren (Delta-Club Stans) click hier...
-Lieber Richi
Med venlig hilsen
GEO
Reto Schreier
-Liebe Richi
Wenn ich au immer uf alles e Reim ha chönne mache oder en Spruch parat
ha gha, dämol hets mer d'Sprooch verschlage. Aber i ka's no so
z'verdränge probiere, Du wirsch nie meh derbii sii, wenn mir uffbaue,
nüm uns aastrahle-n-am Landeplatz, wo mer is i'r Luft au soo lang
umedriibe heyge.
Liebe Richi, Du hesch gstrotzt vor intensive Lääbesfreud. Und
ussgrächnet Du bisch is jetzt e Schritt vorus gange, wo mir alli no vor
uns hän. Worum grad Du, wärde mir nie begryffe, aber mir sin gschoggt.
Und alli zuetiefscht truurig.
Niggi, Katja und d'Söhn
-Aber, lieber Richi, wenn wir dahin kommen, wo Du bereits bist, werden wir uns fragen, warum wir geweint haben.
Mit stillem Gruss
Katja
-Oeppis vo eus zweh (Richi u. HJ.)
Also Mandeli (so han i dr Richi gnennt), de bisch furtgange um z'günne und jetz bisch nümm heicho. D'Merkwürde
(so hesch mi gnennt) isch trurig. Wie bisch du doch als fliegerische Jüngling in mis Fliegerläbe ine cho, hesch an mi
uufe gluegt voller Bewunderig. I ha Di Euforie bezüglich mir müese bremse. Doch s'isch nit mängs Johr gange, han
i mit Stolz zu Dir uufe chönne luege, dini Erfolg rund um e Erdball dörfe verfolge. Eini vo eusere ville gmeinsame
Interesse isch nebscht em Fliege doch au d'Technik gsi. Stundelangs Fachsimple irgend am en Egge vom e interessante
Teili in dr Wärkstatt undä, d'Lideschaft zum Töff hei mer teilt, doch aber au langi, nit ganz oberflächlichi Gspröch
über Gott und Welt.
Ha Di emol nach er e Landig bim Streckefliege müesse sueche, i weiss nit werum, i ha gspürt wo de bisch und ha di
meistens schnell gfunde. Kurz, so ne Chemie find'sch nit eifach so, si isch oder si isch nit.
Jetz gang I halt elei uf e Bölche go ufstelle, doch i glaub Du wirsch mer dört immer present si... Aber was plapperi
do eine zämme, isch s'Wichtigschte doch Euses blinde Vertroue gsi. Wie vill mol het's keini Wort brucht, Eusi Blick
hei sich kurz g'schtreift und mer hei genau s'Glich dänkt!!.. mit so wenig Wort mer is guet verstande hei, muess I jetz
au gar nüt me säge......
Hansjörg
-Lieber Richie
Treffender wie Gusti Dir geschrieben hat, kann ich nicht formulieren.
Du hast uns nicht verlassen, Du bist einfach nur etwas früher losgeflogen!
Immer wieder denke ich an Dich, wenn ich unter den Wolken so dahinfliege…..
Christian Blind
-Richi
“Hoi, wie hesch es?“
…….so hesch du mi immer begrüesst wennd bi eus uf bsuech cho bisch.
Kenne düe mr eus noni so lang, doch in dere vill z’churze Zit woni mit dir ha dörfe erläbe,
isch mr bewusst worde, was für ä super lässige Typ du bisch.
2 Johr isches her woni di, dank mim Sarah, s’erscht mol troffe ha.
Dini lockeri, fründlichi, sympatischi, ehrlichi und ufgstellti Art het eim eifach mitgrisse,
mä het grad gmerkt, wora mä bi dir isch.
S’Vanessa hani scho länger kennt und dir sit es Traumpäärli gsi, wo mit dr Geburt vo euchem härzige Töchterli Soléa, perfekt worde isch.
Es fallt mr schwer z‘glaube, dass ich dr oberi Spruch nie meh vo dir wird ghöre,
du nie meh bi eus uf bsuech wirsch cho, nie meh mit mir ä coole Film wirsch luege und vorallem machts mi truurig, dass du an mim Geburtstagsfescht nid wirsch drbi si, wot mr doch gholfe hesch zum organisiere.
Liebe Richi, esone Mensch wie du gsi bisch, gits leider vill z’wenig uf dere chaotische und gstörtä Welt.
I bi kei gläubige Mensch und wird’s vermuetlich au nie si, aber i hoff dass du amene Ort bisch, wenn’s dä git, wot di Friede hesch und glücklich bisch und dr niemer dini gärn gliebte Mokka Joghurt äwäg isst ;-)
In däm Sinn sägi au: „Hoi Richi, wie hesches?“
I hoff guet. I wird di niemols vergässe.
Franco
-Liebe Trauerfamilie, Lieber Verwandten, Liebe Deltaflieger,
Letzte Woche haben wir die traurige Nachricht erhalten, dass Richi von dieser, unserer Welt gegangen ist. Ich selber habe Richi nur flüchtig
gekannt als er jeweils mit meinem Vater die Deltas unten auf dem Platz vor unserem Haus aus- und eingeladen hat als sie wieder mal fliegen waren.
Wir wissen nur zu gut wie schmerzhaft es ist ein Familienmitglied und einen guten Freund/Vater aus heiterem Himmel bei Ihrem geliebten Sport
und der Art und Weise zu Leben die Ihnen eigen ist zu verlieren.
Wir möchten auf diesem Weg Vanessa und Soéla sowie den Eltern, Geschwistern und Verwandten von Richi, allen Freunden und Bekannten unser
herzlichstes Beileid und unser tiefstes Mitgefühl aussprechen.
Solange sie in unseren Gedanken weiterleben, werden Sie den letzten aller Flüge noch nicht zuenden geflogen haben und werden immer für uns
da sein wie auch wir für sie da sein werden.
In stiller Trauer
Gaby, Margrit und Tim Moser
von vielen Blättern eines.
Das eine Blatt, man merkt es kaum,
denn eines ist ja keines.
Doch dieses eine Blatt allein
war Teil von unserem Leben.
Drum wird dies eine Blatt allein
uns immer wieder fehlen.
-Liebe Trauerfamilie und Flieger
Es tut weh ein Mitglied aus den eigenen Reihen zu verlieren. Richi flog auch in unserem Fluggebiet und war befreundet mit einigen aus unserem Club. Ich selber kannte Ihn nicht persönlich, kann mir aber vorstellen was für ein guter Freund und Flieger er war. Im Namen des DC Falk möchte ich der Trauerfamilie und dem HCNW unser tiefstes Beileid ausdrücken und wünsche Euch viel Kraft und Energie. Soll Richi in unseren Gedanken weiterleben!
Herzliche Grüsse
Geri Marti
Präsi DC Falk Balsthal
-Es isch schwer zum verstoh und chum zum glaubä wenn eim e Mensch wo mä liebt, womä sis Läbä mit ihm teilt, oder als Fründ und Kamerad so plötzlich und unverhoft verliert!
Es isch pasiert!
Richi, vielicht chasch du g’seh wie mir mit däm grossä Schmärz und derä Trur
z’kämpfe hei! Mir wänn dinä Liebstä und Nöchstä wo jetzt s’Härz bluetet bistoh und si träge und tröschtä so guet mir chönnä, b’sunders d’Vanessa, dies Töchterli und dini Familiä.
Richi! Mir wärdä di nieä vergässä! Wie chönntä mir au! Mit dinerä fröhlichä und ufgstelltä Art hesch Du viel z’tiefi, gueti Spurä in unserä Läbä hinterlo, wo mir nieä wärdä chönnä us eusernä Erinnerigä verbannä! Du bisch ä mächtigä Sunnästrahl an eusem Deltahimmel g’si und hesch eus mit dim Lüchtä so mägmol erfreut.
Du bisch no do in unserä Gedankä und wirsch es immer bliebä.
Mir sind trurig wel du nümm bi eus bisch!
Cello, Daniela, Jonas, Manuel und Natalie
-Liebe Trauerfamilie
Menschen aus seinem unmittelbaren Umfeld zu verlieren, ist immer eine harte Prüfung! Es tut weh und ist aber auch eine Möglichkeit, sich über sein eigenes Leben Gedanken zu machen. Wie schnell kann sich eine gewohnte Situation ändern. Auf eine Art, die sich niemand wünscht und trotzdem allgegenwärtig ist.
Ich möchte hiermit der betroffenen Familie, seinen Freunden und Bekannten und euch allen vom HCNW, im Namen unseres Clubs DPCH die herzliche Anteilnahme bekunden und viel Kraft wünschen für die kommende Zeit.
Mit herzlichen Grüssen
Dr Präsi, Zollinger Martin
Delta-/Paraclub Hohwacht
-Liebe Trauerfamilie
Wir drücken Ihnen unser Mitgefühl über den unglaublichen Verlust Deines Partners und Vater, sowie Ihres Sohnes aus. In den 90ern durfte ich Richi als motivierter Pilot kennenlernen. Wir trafen uns immer wieder im Jura oder im Wallis. Er hatte immer einen guten Spruch drauf und galt als Leitfigur vieler Piloten.
Speziell möchte ich folgendes erwähnen. Vor dem Start eines Wettkampfes, hatte er immer Zeit für Fragen betreffend Bedienung der neuen GPS-Generation. Er zeigte vielen, wie das Einstellen des Startzylinders geht. - Ich danke Dir für das was Du als Mensch in diesen Sport gebracht hast – Ethik, Kraft und gesunden Menschenverstand.
Wir wünschen Ihnen viel Kraft und Zuversicht in dieser schweren Zeit. In herzlicher Verbundenheit senden wir Ihnen stille Grüsse.
Andi & Aki Moll – Goto
-Mit tiefem Bedauern haben wir vom tragischen Unglück von Richi erfahren.
Nur ab und zu bin ich Richi über den Weg gelaufen. An einer Delta-SM zum Beispiel,
oder an der SHV Sportfeier.
Aber jedesmal war die Begegnung herzlich und ein gutgemeinter Spruch hat auch nie gefehlt.
Richi war sicher eine Bereicherung für die Deltaszene.
Die Frage nach dem Sinn kann niemand beantworten, daher sollten wir froh sein, dass wir Richis Weg gekreuzt haben, ...auch wenns nur ab und zu war.
Wir wünschen der Trauerfamilie viel Kraft
Beat Vollenweider
Präsident
Deltaclub Interlaken
-Richi,
dr Schreckä und dr Schock sinn tief gangä und immer no do!
Wenn i jetz am schriibe bi, dien Wallige mi Körper und mini Seel übercho!
D'Tränä schtöndä z'Vorderscht und mängmool cha me si eifach nümme brämsä.....
Mir chönne's nooni verstoo; au Du bisch Eus vorus gange, wie dr Heini! Ihr
hänn immer e gwüssi Läbenstrecki Eus vorus gläbt.
Mir hänn Euch beniide und sinn immer wiider begeischteret worde vo Eune Leischtige!
Richi,
es tuet so weh,; mir hänn Di nit verloore – Du bisch immer no Do in Eusä Härze, Du bisch
Eus ganz eifach au vorus gange.........
Richi,
Dini fründlichi aber au mängmol forschi Art het Eus immer wider gforderet und au aatriibe!
Richi,
wo Du gange bisch, hesch Du no es Lächle uff Dine Lippe gha..... es Lächle wo mir nur vo Dir kenne!
Richi,
mir diens und müesse's akzeptiere, es isch eso...... Du bisch nümm do und doch bisch do -
Dini Art und Dini Seel läbe in Eus wiiter.
Richi,
Du bisch Buur! Du kennsch d'Gsetz vo dr Natur; Du hesch in jedem vo Eus es Söömli gsetzt ins Härzä und das dien mir pfläge und es wird gedeihe und wachse und uffgoh zu enerä wunderbare Blueme! -
Richi,
was dr Buur seie duet, das wird er eines Tages erntä. Dr Tag wo Dini Erntä igfahre wird isch cho!
Dört wo Du jetz bisch, bi Gott, im Liecht, im Universum, in erä andere Dimension..... Du sehsch vo dört us und scho jetz wie gross Di's Fuetter isch wo igfahre wird!
Richi,
Du bisch Eus vorusgflooge in e Dimension wo mir mit Eusem Verstand nooni alles chönne verschto und begriffe
Richi,
Du sehsch jetz Zämmähäng vo Eusem Läbe in Form vo emenä Bild, wo mir immer no bloss die einzelnä Mosaikschteinli versueche z'interpretiere?!
Richi,
d'Schmärze präge n'is aber ohni Schmärze weiss me nit was me het wenn me keini Schmärze het.....
Richi,
Dis wäggoh chann Eus nur no meh zämmä schmelzä; mir wärde do si für Dini Lüt: s'Vanessa, s'Soléa, Dini Elterä, dr Atila!
Richi,
Du bisch im Liecht gschtande und hesch Liecht gschpändet. Do freue mir Eus, dass Du Eus für e gwüssi Strecki vo Dim Läbe begleitet hesch – viile Dank!
Richi,
d'Wallige chömme immer no und doch wänn mir all Dine Aghörige Troscht und Zueversicht spände!
Vanessa, Soléa, d'Muetter und dr Vatter und dr Atila,
mir sin do und mit Euch, so chömme mir em Sinn vom Läbe bestimmt e rächte Schritt nöcher!
dr Heinz
-Nichts ist vergänglicher als unser irdisches Dasein,
doch das Leben beginnt neu, durch die Erinnerung an mich,
durch das was ich im Herzen bei Euch allen hinterlassen habe.
Ich werde bei euch sein, ihr werdet mich für immer in euren Herzen tragen."
"Läb wohl"
Du hesch sicher nid dänkt, dass uns das Wort emol s'Härz eso schwer wird mache..und dass miär irgendwenn gar kei Wahl hän sonden das eifach mien eso anäh..
Diä Erläbnis mit Diär cha iis niämer nä und miär wärdid Diär i Gedankä immer wider begägnä.
Miär chönne jetzt nur no hoffe, dass es Diär dört, wo Du bisch, au guet goht..
Was miär Diär nüm hän chönne persönlich sage, wänn miär Diär mit unserne Gedankä mit uf Dini letschti Reis gä..!
Miär vermisse Di und wärde Di immer bi uns trage !!
Ashanta&Fredy
-Richi Du bist zu früh zu weit geflogen an einen für uns Zurückgebliebenen unerreichbaren Ort.
Dein Platz am Startplatz wird für immer leer bleiben ----!
Dein herzliches Lachen wird uns fehlen ---!
Dein aufgestellter Witz wird uns nicht mehr erquicken ---!
Deine unvergleichliche Stärke nicht mehr sicher und zuversichtlich machen ---!
Dein Verstehen der Natur wird uns nicht mehr zum Staunen bringen. ---!
Dein positives, optimistisches Wesen wird den Raum nicht mehr wohltuend füllen. ---!
Deine begeisterte Initiative uns nicht mehr zu unbekannten Ufern tragen. ---!
Dein agiles Naturell uns nicht mehr zur Bewunderung bringen. ---!
Dein Geist uns nicht mehr inspirieren. ---!
Deine Kreativität wird uns nicht mehr zu Höhenflügen forttragen. ---!
Deine Begeisterung uns nicht mehr für Buntes mitreissen. ---!
Lieber Richi, auf dem Höhepunkt bist Du aus diesem Leben herausgerissen worden. Unser Zusammentreffen war intensiv, interessant, beflügelnd und hinterliess unauslöschliche Spuren in unserem Sein! Du hast uns berührt. Wir vermissen Dich heute und morgen.
Zutiefst erschüttert und sehr, sehr traurig
Tashano
Ashanta
Fredi
Dolores
Jürg
-Wir möchten der Trauerfamilie unser tiefstes Beileid aussprechen. Viel zu früh wurdest Du aus dem Leben gerissen.
Du hast uns mit Deinem fröhlichen Wesen immer aufgstellt und hattest immer einen guten Spruch parat.
Zutiefst hat uns diese Nachricht getroffen. Du wirst in unserem Herzen immer einen Platz haben.
In Gedanken werden wir bei der Trauerfamilie sein.
Einsam laufen wir am Strand entlang,sehen manchmal noch deine Fußspuren,
vom Meer fast verwischt.
Wir hatten es nur als Spiel empfunden, als du losgerannt bist.
Erst als du uneinholbar enteilt warst, erkannten wir, dass es deine Art war,
Lebewohl zu sagen.
Roland und Petra
-Liebe Richi
Für mini Familie und mi bisch du no lang noni ewäg – soo schnäll goot das nit!
Du bisch eus no vill z presänt, als dass mir di Abschiid würde akzeptiere.
S git kei Momänt, wo du mir nit in Sinn chunnsch und woni di Kommentar scho ghör, bevor du öppis gseit hesch.
Siggs bim herrlige Fliege, an euse Clubaläss, bim Pommes ässe, an dr unvergässliche Fasnacht mit de Rhyschlappe, bi dr Organisation vom Piratejubiläum, bi tuuusige andere Momänt.
Immer bisch mit dim Optimismus und dim Lache dra ane, alles isch lösbar gsi für di.
Du hesch gseit sgoot, also goots!
Drum wirsch du au jetz eus allne hälfe.
Du wirsch eus in dere schwere Zyt begleite mit dim Lache und dim ungebrochene Optimismus.
Du hilfsch dinere Vanessa und dim härzige Töchterli us däm Fallwind wieder zrugg in Thermik.
Du hilfsch eus allne, eus vo dir guet und rächt z verabschiide.
Es wird e lange letschte Flug si mit dir, aber mir si parat.
Hänk di nomol ii und flieg eus us dene dunkle Wolke – du weisch dr Wäg.
Wenn nit du, wär denn sell uns hälfe, das alles z verschaffe.
BigDaddy Heiner und Big5
-Fassungslos möchte ich Richis Familie und Freunden mein tiefstes Beileid aussprechen. Die Nachricht hat mich erreicht während einer Geschäftsreise nach China. In Gedanken werde ich mit Euch sein.
Ivan
-Liebe Freunde
Der Schock sitzt noch sehr tief. Die Deltawelt hat eine wunderbare
Persönlichkeit verloren.
Nic ist heute mit Vanessa (Frau von Richi) und ihrer 10 monatigen Tochter in
die Schweiz gefahren. Vanessa war während dem Wettkampf in Greifenburg. Paul
Starkl (Teamchef) und sie hörten am Funk vom Überschlag. Nic und Gägu sahen
das Tumbling und den Absturz von Richi. Sie landeten sofort um den
Rettungshelikopter an die Absturzstelle zu weisen. Leider erfolglos. Richi
war zu tief. Der Fallschirm öffnete sich nicht mehr. Die Unfallstelle lag
auf ca. 2'000 müM.
Die Mannschaft kehrt morgen Dienstag, 17. Juni nach Hause zurück. Die
Europameisterschaft wird zu Ende geflogen. Ob das im Sinne unseres Sportes
ist bleibe dahingestellt. Wie viel Wert ist ein Europameister im
Drachenfliegen, wie viel ein Menschenleben?
In tiefer Trauer
Jorge
Ps. Bitte sendet Vanessa alle geistige Kraft die ihr zur Verfügung habt, sie
braucht sie, jetzt.
-Der Schock im Ziel liess nicht lange auf sich warten. Richi Meier vom Schweizer Team ist heute tödlich verunglückt. Wir haben heute einen Freund verloren. Ich möchte an dieser Stelle unser tiefstes Mitgefühl für seine Familie aussprechen.
Roland Wöhrle DHV Online